هۆکارەکانی بەردەوامی و سەرکەوتنی ژیانی هاوسەری

هاوسه‌رێتی جوانترین مانا به‌ خۆشه‌ویستی ده‌به‌خشێت، خۆشه‌ویستییه‌ك پڕ بێت له‌ ڕێز و وه‌فا و بۆیه‌كبون و دڵسۆزی، به‌ڵام زۆر كات هۆكاره‌كان و ژیانی ڕۆژانه‌ی سه‌خت و كێشه‌كانی ڕۆژانه‌ ئه‌و خۆشه‌ویستییه‌ كاڵ ده‌كه‌نه‌وه‌.، تا هه‌ندێك جار ده‌گاته‌ ئه‌و ڕاده‌یه‌ی ته‌نها هۆكارێك بۆ پێكه‌وه‌ ژیانی ژن و مێرد بوونی چه‌ند منداڵێكه‌ له‌نێوانیاندا. له‌هه‌مان كاتدا هه‌ندێك هاوسه‌ری تر هه‌ن كه‌ به‌شێوازی مامه‌ڵه‌ كردن و ته‌نانه‌ت جۆری سه‌یركردنی یه‌كتریش جۆره‌ به‌رده‌وامی و تازه‌بونه‌وه‌یه‌كی خۆشده‌دن به‌ خۆشه‌ویستیه‌كه‌یان.
ئێمه‌ لێره‌دا باس له‌ نۆ هۆكاری گرنگ ده‌كه‌ین بۆ به‌رده‌وامبونی خۆشه‌ویستی:

  1. دووباره‌ كردنه‌وه‌ی چه‌ند وشه‌یه‌ك كه‌ گوزارشت له‌ خۆشه‌ویستی بكات ته‌نانه‌ت بۆیه‌كتربون له‌ڕۆژی دواییدا، وه‌ك (خوای گه‌وره‌ له‌ ڕۆژی دوایشدا پێكه‌وه‌ كۆمان بكاته‌وه‌)، یان ( ئه‌گه‌ر ڕۆژگار بگه‌ڕێنرایه‌ته‌وه‌‌ به‌هیچ كه‌سێكی تر ڕازی نه‌ده‌بوم تۆ نه‌بێت).
  2. زۆر نواندنی هه‌ڵسوكه‌وتێك كه‌ گوزارشت بكات له‌ خۆشه‌ویستی، هه‌ر چه‌نده‌ بچوكیش بێت جێی خۆی ده‌گرێت له‌ دڵی به‌رامبه‌ردا، بۆ نمونه‌ كاتێك هاوسه‌ره‌كه‌ت خه‌وی لێكه‌وت، تۆ به‌تانیه‌كی بۆ ببه ‌و پێیدا بده یان كاتێك ویستی دابنیشێت لای خۆته‌وه‌ جێی بۆ بكه‌ره‌وه‌ یان ده‌ستێكی خۆشه‌ویستی بده‌یت به‌ شانیدا كاتێك بینیت كارێكی باشی ئه‌نجامدا، یان به‌ده‌ستی خۆت به‌ شێوازێكی تایبه‌ت، چا یان كێكێكی بده‌یته‌ ده‌ست‌، كه‌ گوزارشت له‌ خۆشه‌ویستی بكات.
  3. كاتێك دیاری بكه‌ بۆ گفتوگۆ له‌گه‌ڵ هاوسه‌ره‌كه‌ت، وه‌كو هاوڕێیه‌ك یادی كات و ساته‌ خۆشه‌كانی ته‌مه‌نیان و هیوا و ئاواته‌كانی داهاتویان بۆیه‌كتری به‌وردی باس بكه‌ن. نوكته‌یه‌ك، قسه‌یه‌كی خۆش، گێڕانه‌وه‌ی ڕوداوێك و پێكه‌نین و ده‌ستبازیه‌ك…، هۆكاری نوێبونه‌وه‌ی خۆشه‌ویستین.
  4. گوزارشتكردن له‌ خۆشه‌ویستی ژن ومێرد بۆ یه‌كتری: وه‌ك چونه‌ ژوری خه‌وتن و گفتوگۆكردنی تابیه‌ت و نزیكبونه‌وه‌ی جه‌سته‌یی كاریگه‌ری گه‌وره‌یان هه‌یه‌ له‌سه‌ر ده‌روونی هه‌ردوولا، ده‌بێته‌ هۆی زیادبونی خۆشه‌ویستی.
  5. پشتگیریی سۆزدارانه‌ له‌كاتی پێویستیدا: وه‌ك كاتی سكپڕی، پێویسته‌ مێرد به‌شداری خه‌م و ئازار و نه‌خۆشیه‌كانی بكات، زوو زوو هه‌واڵی بپرسێت، به‌ سۆز و هه‌ستێكه‌وه‌ كه‌ هه‌ست به‌ ته‌نهایی و كه‌موكوڕی نه‌كات.
  6. پێشكه‌شكردنی دیاری به‌یه‌كتری: به‌هۆی بۆنه‌یه‌كه‌وه‌ بێت یان به‌بێ بۆنه‌، به‌تایبه‌ت گه‌ر دیارییه‌كه‌ كتوپڕی بێت خۆشییه‌كی تایبه‌تی هه‌یه‌ و خوشه‌ویستی كۆن نوێ ده‌كاته‌وه‌، مانایه‌كی جوان له‌ بیری هاوسه‌ره‌كه‌تدا جێده‌هێڵێت، به‌تایبه‌ت ئه‌گه‌ر شتێك بێت زۆر كات له‌به‌ر چاودا بێت، بۆ وه‌بیرهاتنه‌وه‌ی یه‌كتری، وه‌ك كاتژمیر، پێنوس، بۆنی خۆش…
  7. دوعای خێركردن بۆ یه‌كتری له‌كاته‌كانی دوعا گیرا بوندا، وه‌ك سێ یه‌كی كۆتایی شه‌و و دوای ده‌ستنوێژ و نێوانی بانگ و قامه‌ت و ڕۆژی عارفه‌ و له‌كاتی سه‌فه‌ردا بۆ به‌رده‌وام بونی خۆشه‌ویستی.
  8. مامه‌ڵه‌كردن به‌ ڕۆحێكی لێبوردنی زۆر‌، وه‌لانانی خاڵه‌ بچوكه‌كانی ناكۆكی و چاره‌سه‌ركردنی ئه‌و هه‌ڵوێستانه‌ی كه‌ ڕایان تێیدا جیاوازه‌.

منداڵه‌كانیان فێربكه‌ن كه‌ ڕێز له‌ دایك وباوكیان بگرن به‌ یارمه‌تیدان و قوربانیدان و ڕێزگرتن، ئه‌وه‌ش به‌ڕێزگرتنی ته‌واوی ژن ومێرد ده‌بێت بۆ یه‌كتری.

كۆمێنت و لێدوان

بابه‌تی تر

منداڵانی پۆلی یەکەم بەقوتابخانە مەترسێنن

ئا؛ ئاکۆ محمدامین/ ت: کۆمەڵایەتی زۆرجار هەندێک لە خێزانەکان کە منداڵەکەیان بۆ یەکەمجار دەچێتە قوتابخانە …