هه‌نگاوه‌كانی په‌ره‌پێدان به‌ كه‌سایه‌تی

ن؛ الاء احمد

و؛ دانا سه‌لام/ ب. رێكخراوی رێنمایی

سروشتی مرۆڤ وایه‌ به‌رده‌وام  بۆ سازان له‌گه‌ڵ ژینگه‌كه‌ی پێویستی به‌وه‌ هه‌یه‌ كه‌ په‌ره‌ به‌ كه‌سا‌یه‌تی خۆی بدات، بۆ ئه‌وه‌ی بتوانێـت له‌گه‌ڵ گۆڕانكارییه‌كانی سه‌رده‌مدا هه‌ڵبكات، نابێت تاك له‌ دۆڵێك بێت و گۆڕانكارییه‌كانی ژیانیش له‌ دۆڵێكی تر، واته‌ تاك ئاگای له‌و گۆڕانكارییانه‌ نه‌بێت كه‌له‌ ناو كۆمه‌ڵگادا رووده‌ده‌ن، ده‌بێ هه‌میشه‌ كاتێك دابنێ بۆ ئه‌وه‌ی خۆی نوێ بكاته‌وه‌، بۆ ئه‌مه‌ش ده‌توانێت چه‌ند خاڵێك له‌ ژیانی خۆیدا په‌یڕه‌و بكات، له‌وانه‌:

یه‌كه‌م/ پاڵپشتییكردنی خۆی؛ تاك چۆن ده‌توانی خۆی پاڵپشی خۆی بكات؟ بۆ ئه‌مه‌ ده‌بێـت به‌دوای ئه‌و سه‌رچاوه‌ و شوێنانه‌دا بگه‌ڕێت كه‌ ده‌توانێ زانیاری تێدا به‌ده‌ست به‌هێنێ بۆ ژیانی، بۆ نموونه‌ رۆژانه‌ كاتێك دابنێ بۆ خوێندنه‌وه‌، به‌شداری له‌ كۆڕ و كۆبوونه‌وه‌ و خوله‌كان بكات، هه‌وڵبدات كه‌ هاوڕێیه‌تی ئه‌و كه‌سانه‌ بكات كه‌ ده‌زانێ له‌ رووی زانیارییه‌وه‌ كه‌سانێك ده‌وڵه‌مه‌ندن، پلان و به‌رنامه‌ بۆ ژیانی خۆی دابنێت، كاته‌كانی به‌هه‌ده‌ر نه‌دات، كاره‌كان به‌هه‌ڕه‌مه‌كی نه‌بێت، به‌ڵكو له‌ پێشدا به‌رنامه‌ی بۆ دابنێ، بزانێت ئامانج له‌و كاره‌ی چییه‌. ئه‌مانه‌ هه‌مووی سه‌رچاوه‌ن بۆ ده‌ست گه‌یشتن به‌و پاڵپشتییانه‌ی تاك پێویستییه‌تی، ره‌نگه‌ ئه‌و زانیارییانه‌ ته‌نیا تیۆری بن، له‌وانه‌شه‌ كرداری بێت، ره‌نگه‌ هه‌ردووكیان بێت هه‌م تیۆری هه‌م كرداری، چونكه‌ ئێمه‌ پێویستمان هه‌ردوو لایه‌ن هه‌یه‌.

دووه‌م/ رێزگرتن له‌خۆ؛ تۆ چۆن هه‌یت ده‌بێت به‌م شێوه‌یه‌ خۆت قبول بكه‌یت، خۆ قبول كردن یه‌كه‌م هه‌نگاوی په‌ره‌پێدانه‌، دواتر ده‌بێت یه‌ك به‌یه‌كی توانا و كارامه‌ییه‌كانت بزانی و بزانی ئاست و شێوه‌یان چۆنه‌، دان به‌ خاڵه‌ لاوازه‌كاندا بنێی، خاڵه‌ به‌هێزه‌كانیش دیاری بكه‌ی، به‌ پاڵپشتی ئه‌و خاڵه‌ به‌هێزانه‌ی له‌كه‌سایه‌تیدا هه‌یه خاڵه‌ لاوازه‌كان به‌ره‌و به‌هێزی ببه‌. هیچ كات خۆت به‌رارود مه‌كه‌ به‌كه‌سانی تر له‌رووی خۆبه‌كه‌م زانییه‌وه‌، هه‌روه‌ها ئیره‌یش به‌كه‌س مه‌به‌، چونكه‌ ئه‌مه‌ كاتێك لێده‌بات كه‌ پێویسته‌ ئه‌و كاته‌ له‌ ژیانی خۆتدا سه‌رفه‌ی بكه‌ی نه‌وه‌ك به‌ كه‌سانی تر.

سێیه‌م/ رزگاربوون له‌ ترسه‌كان؛ گه‌وره‌ترین دووژمن و راگری توانانت ئه‌و ترسه‌یه‌ كه‌له‌ ناختدا هه‌یه‌ به‌رامبه‌ر ئامانج و خه‌ونه‌كانت. دانیشتن و هیچ نه‌كردن هیچ وزه‌یه‌ك سه‌رف ناكات، هیچ كات ره‌خنه‌ بارانت ناكات، به‌ڵام هه‌وڵدان و تێكۆشان تووشی ره‌خنه‌ی ده‌وروبه‌رت ده‌كات، له‌وانه‌یه‌ شكست بهێنێ، له‌وانه‌یه‌ به‌پێش كه‌سانی تر بكه‌ویته‌وه‌، ئه‌مه‌ش ترسێك له‌ناخدا دروست ده‌كات بۆ نه‌جوڵان بۆ دانیشت، ده‌بێت ئه‌م ترسه‌ بشكێنی، هیچ كه‌سێكیش ناتوانی ئه‌م ترسه‌ت بۆ لابدات ئه‌گه‌ر خۆت نه‌ته‌وێ. بۆیه‌ بڕیار بده‌ كه‌ كار بكه‌ی، په‌ره‌به‌خۆت بده‌یت، ئه‌وانه‌ی سه‌ركه‌وتوون وه‌ك تۆن، جیاوازییه‌كانییان ته‌نیا له‌ كاركردنه‌ به‌ره‌و ئامانجه‌كانییان.

چواره‌م/ بیكردنه‌وه‌ی نه‌رێنی؛ ده‌زانی تۆ چی به‌خۆت بڵێی ئه‌و دێته‌ دێ! ئه‌گه‌ر تۆ بڵێی من خراپم ئه‌وا خراپ ده‌بیت! ئه‌گه‌ر تۆ بڵێی ده‌رناچم ئه‌وا ده‌رناچیت بۆ نموونه‌ له‌ خوێندن. ئه‌گه‌ر تۆ بڵێی هیچ نازانم ئه‌وا هیچ نه‌زانین ده‌بێته‌ ده‌مامكی تۆ. به‌ڵام ئه‌م رێگایه‌ هه‌ڵمه‌بژێره‌، رێگایه‌كی تر هه‌یه‌، ئه‌ویش ئه‌وه‌یه‌ ئه‌رێنی به‌ له‌ ژیانتدا، بڕوات به‌ تواناكانت هه‌بێت، به‌رده‌وام وشه‌ی ئه‌رێنی بۆ پاڵپشتی خۆت به‌كاربهێنه‌، بڵێ من به‌توانام، من ده‌زانم، من ده‌یكه‌م، من ئامانجم هه‌یه‌. بۆ ئه‌رێنی بوونیش ده‌بێت، هه‌ندێ كار بكه‌ی له‌وانه‌ (له‌براده‌ری نه‌رێنی دووربكه‌وه‌، پلاندابنێ، زانیاری كۆبكه‌وه‌، بچۆ خول و وۆركشۆپه‌كان، بخوێنه‌وه‌…) ئه‌مانه‌ هاوكارییه‌كی باشت ده‌كه‌ن بۆ گۆڕینی بیرۆكه‌ نه‌رێنییه‌كان بۆ بیرۆكه‌ی ئه‌رێنی.

كۆمێنت و لێدوان

بابه‌تی تر

رێگاكانی باشتركردنی میزاج

ن؛ رانیا سنجق و؛ دانا سه‌لام/ ب. رێكخراوی رێنمایی باردۆخه‌كانی ژیان وا له‌ مرۆڤ ده‌كه‌ن …